Surah Al Araf Ayat 57 (7:57)

{ و هو الذی یرسل الریح:اور وہی ہے کہ ہوائیں بھیجتا ہے۔}اس سے دو ایات پہلے اللہ تعالی کی وحدانیت کے چند دلائل بیان فرمائے گے جیسے اسمان و زمین کی پیدائش دن اور رات کا ایک دوسرے کے پیچھے انا سورج چاند اور ستاروں کا مسخر ہونا اب اس ایت میں اللہ تعالی کی عظمت قدرت وحدانیت اور وقوع قیامت پر مزید دلائل بیان فرمائے جا رہے ہیں۔اس ایت کا خلاصہ یہ ہے’’ اللہ عزوجل کی کیسی عظیم قدرت ہے کہ وہ پہلے ہواوں کو بھیجتا ہے جو اس کی رحمت یعنی بارش انے کی خوشخبری دے رہی ہوتی ہیں یہاں تک کہ جب وہ ہوائیں سمندر سے بھاری بادل کو اٹھا لاتی ہیں تو اللہ تعالی اس بادل کو کسی مردہ شہر کی طرف چلاتا ہے جس کی ز مین خشک پڑی ہوتی ہے اورسبزے کا نام و نشان نہیں ہوتا پھر اللہ عزوجل اس مردہ زمین پر پانی اتارتا ہے اوراس پانی کے ذریعے وہاں سبزہ پیدا فرمادیتا ہے وہاں پھل پھول اگتے ہیں وہاں غلہ اناج پیدا ہوتا ہے ۔ وہ مردہ زمین بھی زندہ ہوجاتی ہے اور اس کی پیداوار کے ذریعے لوگوں کی زندگی کا سامان بھی مہیا ہوجاتا ہے ۔ یہ اللہ عزوجل کی قدرت ہے اور یہی دلیل قدرت اس بات کو ماننے پر بھی مجبور کردیتی ہے کہ جس طرح اللہ تعالی مردہ زمین کو ویرانی کے بعد زندگی عطا فرماتا ہے اور اس کو سرسبز و شاداب فرماتا ہے اور اس میں کھیتی درخت پھل پھول پیدا کرتا ہے ایسے ہی مردوں کو قبروں سے زندہ کرکے اٹھائے گا کیونکہ جو خشک لکڑی سے ترو تازہ پھل پیدا کرنے پر قادر ہے اس سے مردوں کا زندہ کرنا کیا بعید ہے۔ قدرت کی یہ نشانی دیکھ لینے کے بعد عقلمند سلیم الحواس کو مردوں کے زندہ کئے جانے میں کچھ تردد باقی نہیں رہتا۔