Surah Al Qiyamah Ayat 1 (75:1)

{لا اقسم بیوم القیمة: مجھے قیامت کے دن کی قسم ہے۔} اس ایت اور اس کے بعد والی ایت کا خلاصہ یہ ہے کہ مشرکین مرنے کے بعد اٹھائے جانے کا انکار کرتے تھے اللہ تعالی نے ان کا رد کرتے ہوئے فرمایا کہ جیسا تم گمان کرتے ہو درحقیقت ویسا نہیں ہے مجھے قیامت کے دن کی قسم ہے اور مجھے اس جان کی قسم ہے جو متقی اور کثرت سے نیکیاں کرنے والی ہونے کے باوجود اپنے اوپر اپنی کوتاہیوں کی وجہ سے ملامت کرے کہ تم مرنے کے بعد ضرور اٹھائے جاو گے۔( مدارک القیامۃ تحت الایۃ: ۱-۲ ص۱۳۰۲)