Surah Al Fajr Ayat 11 (89:11)

{الذین طغوا فی البلاد: جنہوں نے شہروں میں سرکشی کی} اب اوپر بیان کردہ قوم عادقوم ثمود فرعون کے بارے میں فرمایا کہ انہوں نے شہروں میں سرکشی کی اور معصیت و گمراہی میں انتہا کو پہنچے اور عبدیت کی حد سے گذر گئے کہ فرعون نے توبندگی کی حد سے گزر کر خدائی کا دعوی کردیا نیز انہوں نے کفر قتل اور ظلم کے ذریعے زمین میں فساد برپا کیا تو ان کا جوانجام ہوا وہ اگلی ایت میں مذکور ہوا کہ ان پر اللہ تعالی نے عذاب کا کوڑا برسایا اور مختلف طرح کے عذابوں میں مبتلا کیا جنہوں نے انہیں ہلاک کردیا ۔