Surah At Taubah Ayat 50 (9:50)

{ان تصبك حسنة:اگر تمہیں بھلائی پہنچتی ہے۔} یعنی اے حبیب! صلی اللہ تعالی علیہ والہ وسلم اگر تمہیں بھلائی پہنچے اور تم دشمن پر فتح یاب ہوجاو اور غنیمت تمہارے ہاتھ آئے تو منافقین غمزدہ ہو جاتے ہیں اور اگر تمہیں کوئی مصیبت پہنچے اور کسی طرح کی شدت کا سامنا ہو تو منافقین یہ کہتے ہیں کہ ہم نے چالاکی کے ذریعے جہاد میں نہ جاکر اس مصیبت سے خود کو بچالیا تو گویا ہم نے پہلے ہی اپنا احتیاطی معاملہ اختیار کرلیا تھا پھر مزید ا س بات پر وہ خوشیاں مناتے ہیں کہ ہم جہاد کی مشقت و مصیبت سے محفوظ رہے۔ (خازن التوبۃ تحت الایۃ: ۵۰ ۲ / ۲۴۸) ایت’’ ان تصبك حسنة‘‘ سے حاصل ہونے والی معلومات: اس ایت سے اشارۃ معلوم ہوا کہ حضور اقدس صلی اللہ تعالی علیہ والہ وسلم کی مصیبت پر خوش ہونا کافروں کا کام ہے اسی طرح مسلمانوں کی خوشی پر غم کرنا منافقوں کی نشانی ہے۔