Surah Yunus Ayat 73 (10:73)

{فكذبوه:تو انہوں نے نوح کو جھٹلایا ۔} اس سے پہلے اللہ تعالی نے حضرت نوح علیہ الصلوۃ والسلام اور ان کی قوم کے درمیان ہونے والے معاملات کا بیان فرمایا اور اس ایت میں ان معاملات کا انجام بیان فرمایا ہے۔اس ایت میں حضرت نوح علیہ الصلوۃ والسلام اور ان کے اصحاب کے بارے میں دو چیزیں بیان ہوئیں : (1)…اللہ تعالی نے انہیں کفار سے نجات دی۔ (2)…کفار کو غرق کرنے کے بعد حضرت نوح علیہ الصلوۃ والسلام کے ساتھیوں کو زمین میں ان کا جانشین بنایا۔ کفار کے بارے میں فرمایا گیا کہ انہیں غرق کر کے ہلاک کر دیا گیا۔ اس میں کفار کے لئے بہت عبرت ہے کہ جو لوگ بھی اللہ عزوجل کے رسول کو جھٹلائیں گے ان پر ویسا عذاب ا سکتا ہے جیسا حضرت نوح علیہ الصلوۃ والسلام کو جھٹلانے والوں پر ایا وہیں ایمان والوں کے لئے بھی نصیحت ہے کہ وہ ایمان پر ثابت قدم رہیں تو جس طرح اللہ تعالی نے حضرت نوح علیہ الصلوۃ والسلام پر ایمان لانے والوں کو مخالفین کے شر سے نجات دی اسی طرح انہیں بھی مخالفین کے شر سے بچائے گا۔ (تفسیرکبیر یونس تحت الایۃ: ۷۳ ۶ / ۲۸۶) نوٹ: حضرت نوح علیہ الصلوۃ والسلام کی قوم کے چند واقعات سورہ اعراف ایت 59تا64 میں گزر چکے ہیں مزید تفصیلی واقعات سورہ ہود اور دیگر سورتوں میں مذکور ہیں۔