Surah Hud Ayat 33 (11:33)

{قال:فرمایا۔} کفار کے اعتراضات کے جواب میں حضرت نوح علیہ الصلوۃ والسلام نے فرمایا’’تم پر عذاب نازل کرنے کا اختیار اللہ تعالی ہی کے پاس ہے وہ جب چاہے گا ا س عذاب کو تم پر نازل کر دے گا اور جب اس نے عذاب نازل کرنے کا ارادہ فرمالیا تو تم اس عذاب کو روک سکو گے اورنہ اس سے بچ سکو گے۔ اس سے معلوم ہوا کہ کفر یا بد عملی پر عذاب انا ضروری نہیں بلکہ یہ اللہ تعالی کے ارادے پر موقوف ہے۔ (تفسیرکبیر ہود تحت الایۃ: ۳۳ ۶ / ۳۴۱ روح البیان ہود تحت الایۃ: ۳۳ ۴ / ۱۲۰ ملتقطا)