Surah Yusuf Ayat 30 (12:30)

{و قال نسوة فی المدینة:اور شہر میں کچھ عورتوں نے کہا۔} عزیز مصر نے اگرچہ اس قصہ کو بہت دبایا لیکن یہ خبر چھپ نہ سکی اور اس کا چرچا اورشہرہ ہو ہی گیا۔ شہر میں شرفاء مصر کی عورتیں زلیخا اور حضرت یوسف علیہ الصلوۃ والسلام کے بارے میں باتیں کرتے ہوئے کہنے لگیں کہ عزیز کی بیوی زلیخا اپنے نوجوان کا دل لبھانے کی کوشش کرتی ہے بیشک ان کی محبت اس کے دل میں سماگئی ہے ہم تو اس عورت کو کھلی محبت میں گم دیکھ رہے ہیں کہ اس دیوانے پن میں اس کو اپنے ننگ و ناموس اور پردے و عفت کا لحاظ بھی نہ رہا۔(خازن یوسف تحت الایۃ: ۳۰ ۳ / ۱۶-۱۷ ملخصا)