Surah Ar Rad Ayat 17 (13:17)

{انزل من السمآء مآء:اس نے آسمان سے پانی اتارا۔} اس سے پہلی ایت میں اللہ تعالی نے مومن اور کافر کو انکھ والے اور اندھے سے ایمان ا ور کفر کو روشنی اور اندھیرے سے تشبیہ دی تھی جبکہ اس ایت میں ایمان اور کفر کی ایک اور مثال بیان فرمائی ہے۔ (تفسیرکبیر الرعد تحت الایۃ: ۱۷ ۷ / ۲۹) اس مثال کا خلاصہ یہ ہے کہ باطل اس جھاگ کی طرح ہوتا ہے جو ندیوں میں ان کی وسعت کے مطابق بہتے پانی کی سطح پر اور سونا چاندی تانبہپیتل وغیرہ پگھلی ہوئی معدنیات کی مائع سطح پر ظاہر ہوتی ہے جبکہ حق جھاگ کے علاوہ باقی بچ جانے والی اصل چیز کی طرح ہوتا ہے تو جس طرح بہتے پانی یا پگھلی ہوئی معدنیات کی سطح پرجھاگ ظاہر ہوکر جلدی زائل ہو جاتی ہے ایسے ہی باطل اگرچہ کتنا ہی ابھر جائے اور بعض حالتوں اور وقتوں میں جھاگ کی طرح حد سے اونچا ہوجائے لیکن انجام کار مٹ جاتا ہے اور حق اصل چیز اور صاف جوہر کی طرح باقی و ثابت رہتا ہے۔( مدارک الرعد تحت الایۃ: ۱۷ ص۵۵۴ ملخصا) امام فخر الدین رازی رحمۃاللہ تعالی علیہ نے اس ایت میں مذکور مثال کی بہت اچھی وضاحت فرمائی ہے اس کا خلاصہ یہ ہے کہ ’’اس ایت میں پانی سے مراد قران پاک اور ندیوں سے مراد بندوں کے دل ہیں یعنی اللہ تعالی نے اپنی کبریائی جلالت اور احسان کے اسمان سے رحمت کاپانی یعنی قران پاک بندوں کے دلوں کی ندیوں میں نازل فرمایا تو جس طرح ندیوں میں پانی جگہ پاتا ہے اسی طرح دلوں میں قرانی علوم کے انوار جگہ پاتے ہیں اور جس طرح ندیوں میں ان کی گنجائش اور وسعت کے اعتبار سے پانی کم یا زیادہ ہوتا ہے اسی طرح دلوں کی پاکیزگی اور نجاستقوت فہم کی زیادتی اور کمی کے اعتبار سے ان میں قران پاک کے انوار کم اور زیادہ ہوتے ہیں ۔اور جس طرح بہتے پانی کی سطح پر ابھرنے والی جھاگ اور پگھلی ہوئی معدنیات کی سطح پر ظاہر ہونے والا میل کچیل جلدی زائل ہو جاتا ہے اسی طرح قران مجید کے مضامین میں بظاہر جو شکوک و شبہات ہوتے ہیں وہ سرکار دو عالم صلی اللہ تعالی علیہ والہ وسلم کے ارشادات اور علمائے کرام کے بیانات سے جلدی زائل ہو جاتے ہیں اور عقائدشرعی احکام کی تصریحاتہدایات اور علمی نکات باقی رہ جاتے ہیں ۔ (تفسیرکبیر الرعد تحت الایۃ: ۱۷ ۷ / ۲۹ ملخصا)