Surah Al Kahf Ayat 100 (18:100)

{و عرضنا جهنم یومىذ:اور ہم اس دن جہنم لائیں گے۔} یعنی جس دن ہم تمام مخلوق کو جمع کریں گے اس دن جہنم کافروں کے سامنے لائیں گے تاکہ وہ اسے صاف دیکھیں اور اس کا جوش مارنا اور چنگھاڑناسنیں ۔( ابو سعود الکہف تحت الایۃ: ۱۰۰ ۳ / ۴۰۷) ایک اور مقام پر اللہ تعالی ارشاد فرماتا ہے: ’’ و اعتدنا لمن كذب بالساعة سعیرا(۱۱) اذا راتهم من مكانۭ بعید سمعوا لها تغیظا و زفیرا‘‘(فرقان:۱۱۱۲) ترجمہ کنزالعرفان: اور ہم نے قیامت کو جھٹلانے والوں کیلئے بھڑکتی ہوئی آگ تیار کر رکھی ہے۔ جب وہ اگ انہیں دور کی جگہ سے دیکھے گی تو کافر اس کا جوش مارنا اور چنگھاڑناسنیں گے۔ اور حضرت عبد اللہ بن مسعود رضی اللہ تعالی عنہ سے روایت ہے رسول اللہ صلی اللہ تعالی علیہ والہ وسلم نے ارشاد فرمایا ’’قیامت کے دن جہنم کو لایا جائے گا اس کی ستر ہزار لگامیں ہوں گی اور ہر لگام کو ستر ہزار فرشتے پکڑ کر کھینچ رہے ہوں گے۔( مسلم کتاب الجنۃ وصفۃ نعیمہا واہلہا باب فی شدۃ حر نار جہنم وبعد قعرہا وما تاخذ من المعذبین ص۱۵۲۳ الحدیث: ۲۹(۲۸۴۲))