Surah Al Baqarah Ayat 117 (2:117)

{بدیع: بغیر مثال کے بنانے والا۔} بدیع کا معنی ہے کسی چیز کو بغیر کسی سابقہ مثال کے نئے طور پربنانے والا۔ اللہ تعالی کے اسمانوں اور زمین کو پیدا کرنے سے پہلے نہ کوئی اسمان تھا اور نہ زمین تو اللہ تعالی نئے طور پر اسے عدم سے وجود میں لایا۔ اللہ تعالی تمام مخلوق کے اعتبار سے ہی بدیع ہے کیونکہ اللہ تعالی نے ہرچیز کو خود ہی وجود بخشا ہے پہلے کسی شے کی مثال موجود نہ تھی۔ {و اذا قضى: اور جب فیصلہ فرماتا ہے۔} فیصلہ فرمانے سے مراد ارادہ کرنا ہے جیساکہ ایک اور مقام پر اللہ تعالی ارشاد فرماتا ہے: ’’انما امره اذا اراد شیــٴـا ان یقول له كن فیكون‘‘( یس: ۸۲) ترجمہ کنزالعرفان:اس کا کام تو یہی ہے کہ جب کسی چیز کا ارادہ فرماتا ہے تو اس سے فرماتا ہے ’’ ہوجا‘‘ تو وہ فورا ہوجاتی ہے۔ اوراس ایت سے اصل مراد یہ ہے کہ ایسا ہونا ممکن نہیں کہ اللہ تعالی کسی شے کا ارادہ فرمائے اور وہ نہ ہو بلکہ اللہ تعالی کا ارادہ قطعی طور پر نافذ ہوتا ہے اورکسی شے کو وجود میں لانے کیلئے اللہ تعالی کو انسانو ں کی طرح محنت و مشقت کی کوئی ضرورت نہیں بلکہ اللہ تعالی کا اس چیز کے وجود کا ارادہ فرمالینا ہی کافی ہے۔یاد رہے کہ اللہ تعالی کسی بھی کام میں کسی کا محتاج نہیں اور اللہ تعالی کا مختلف کاموں کیلئے فرشتوں کو مقرر کرنا حکمت ہے حاجت نہیں۔