Surah Al Baqarah Ayat 170 (2:170)

{و اذا قیل لهم: اورجب ان سے کہا جائے۔} جب کافروں سے کہا جاتا کہ توحید و قرآن پر ایمان لاو اور پاک چیزوں کو حلال جانو جنہیں اللہ تعالی نے حلال کیاتو مشرکین اس کا ایک ہی جواب دیتے کہ ہم تو اسی راہ و رسم اور طور طریقے پر چلیں گے جس پر ہمارے باپ دادا چلتے ائے ہیں۔ انہیں فرمایا گیا کہ جب باپ دادا دین کے امور کونہ سمجھتے ہوں اورراہ راست پر نہ ہوں توان کی پیروی کرنا حماقت و گمراہی ہے۔باپ دادا چالیس سال کی عمر کو پہنچ کر خود کشی کرتے ہوں تو کیا اولاد بھی چالیس سال کی عمر میں خود کشی کرے وہ روزانہ کیچڑ میں چھلانگ مارتے ہوں تو کیا اولاد بھی یہی شروع کر دے سیدھی بات ہے کہ صحیح بات میں پیروی کی جائے اور غلط میں ہرگز نہیں۔ شریعت کے مقابلے میں باپ دادا کی پیروی کرنا کیسا شریعت کے مقابلہ میں گمراہ باپ دادا کی پیروی کرنا حرام ہے۔ یونہی گناہ کے کاموں میں باپ دادا کی پیروی ناجائز ہے کہ بحکم حدیث اللہ تعالی کی نافرمانی کے کام میں کسی کی اطاعت نہیں کی جاسکتی۔(مسلم کتاب الامارۃ باب وجوب طاعۃ الامراء فی غیر معصیۃ۔۔۔ الخ ص۱۰۲۴ الحدیث: ۳۹(۱۸۴۰)) ہمارے ہاں شادی مرگ اور دیگر کئی مواقع پر شریعت پر چلنے کا کہا جائے تو لوگ اگے سے یہی باپ دادا خاندان اور برادری کے رسم و رواج کا عذر پیش کرتے ہیں یہ بھی سراسر غلط و باطل ہے۔خلاصہ کلام یہ ہے کہ بروں کی پیروی بری ہے اور اچھوں کی پیروی اچھی جیسے ہم بزرگان دین صحابہ تابعین ائمہ مجتہدین اولیاء و صالحین کی پیروی کرتے ہیں تو یہ بہت اچھی ہے کہ اس کا حکم خود قران نے دیا ہے چنانچہ فرمایا: و كونوا مع الصدقین (التوبہ:۱۱۹) ترجمہ کنزالعرفان:اور سچوں کے ساتھ ہوجاو۔ ہر نماز میں بزرگوں کی پیروی کی دعا مانگنے کا فرمایا چنانچہ فرمایا: صراط الذین انعمت علیهم (الفاتحہ: ۷) ترجمہ کنزالعرفان: ان لوگوں کے راستے پر چلا جن پر تو نے انعام کیا۔ اللہ تعالی ہمیں اچھوں کی پیروی کرنے اور بروں کی پیروی سے بچنے کی توفیق عطا فرمائے امین۔