Surah Al Muminun Ayat 78 (23:78)

{و هو: اور وہی ہے۔} اس ایت سے اللہ تعالی نے تمام مخلوق سے خطاب فرمایا اور ا س سے مقصود اہل ایمان کو نعمتیں یاد دلا نا جبکہ کفار کو ا س بات پر سختی سے تنبیہ کرنا ہے کہ انہوں نے ان نعمتوں کو ان کے مصرف میں استعمال نہیں کیا کیونکہ کان اس لئے بنائے گئے ہیں کہ ان سے وہ بات سنی جائے جس سے ہدایت ملے اورا نکھیں اس لئے پیدا کی گئی ہیں کہ ان کے ذریعے اللہ تعالی کی صفات کے کمال پر دلالت کرنے والی نشانیوں کا مشاہدہ کیا جائے اور دلوں کی تخلیق کا مقصد یہ ہے کہ ان کے ذریعے اللہ تعالی کی صنعتوں میں غورو فکر کیا جائے تو جس نے ان نعمتوں کو ان کے مصرف میں استعمال نہ کیا تو وہ ایسا شخص ہے جس نے ان نعمتوں سے کوئی فائدہ نہ اٹھایا۔( صاوی المومنون تحت الایۃ: ۷۸ ۴ / ۱۳۷۳-۱۳۷۴) اس ایت کا خلاصہ یہ ہے کہ اللہ وہی ہے جس نے تمہارے لیے کان آنکھیں اور دل بنائے تاکہ تم ان کے ذریعے سنو دیکھو اورسمجھو اور دینی دنیوی منافع حاصل کرو۔اے لوگو!تم بہت ہی کم شکر ادا کرتے ہو کیونکہ تم نے ان نعمتوں کی قدر نہ جانی اور ان سے فائدہ نہ اٹھایا اور کانوں آنکھوں اور دلوں سے اللہ تعالی کی ایات سننے دیکھنے سمجھنے اور اللہ تعالی کی معرفت حاصل کرنے اور حقیقی طور پر نعمتیں عطا فرمانے والے کا حق پہچان کر شکر گزار بننے کا نفع نہ اٹھایا۔( خازن المومنون تحت الایۃ: ۷۸ ۳ / ۳۲۹ مدارک المومنون تحت الایۃ: ۷۸ ص۷۶۲-۷۶۳ ملتقطا)