Surah Al Furqan Ayat 53 (25:53)

{و هو: اور وہی ہے۔} ارشاد فرمایا کہ اللہ عزوجل وہی ہے جس نے دو سمندروں کو ملادیاان میں سے ایک (کا پانی) میٹھا نہایت شیریں ہے اور دوسرے کا کھاری نہایت تلخ ہے اور ان دونوں کے بیچ میں اللہ تعالی نے اپنی قدرت سے نظر نہ انے والا ایک پردہ اور روکی ہوئی آڑ بنادی تاکہ ایک کا پانی دوسرے میں مل نہ سکے یعنی نہ میٹھا کھاری ہو نہ کھاری میٹھا نہ کوئی کسی کے ذائقہ کو بدل سکے جیسے کہ دجلہ دریائے شور میں میلوں تک بہتاچلا جاتا ہے اور اس کے ذائقہ میں کوئی تغیر نہیں آتا۔ (ابو سعود الفرقان تحت الایۃ: ۵۳ ۴ / ۱۴۵) عجب شان الہی ہے۔