Surah Al Furqan Ayat 54 (25:54)

{و هو: اور وہی ہے۔} ارشاد فرمایا کہ اللہ عزوجل وہی ہے جس نے گوشت ہڈیوں پٹھوں رگوں اور خون سے مرکب اچھی صورت پر آدمی کوپانی یعنی نطفہ سے بنایا پھر اس کے نسلی رشتے اور سسرالی رشتے بنادئیے تاکہ اس کی نسل چلے اور تمہارا رب عزوجل بڑی قدرت والا ہے کہ اس نے ایک نطفہ سے مختلف اعضاء والےجدا جدا طبیعتوں والے طرح طرح کے اخلاق والے اور مذکر و مونث دو قسم کے انسان پیدا کئے تو جو ایسے انسانوں اور ان کے علاوہ اور بےشمار چیزوں کو پیدا کرنے پر قادر ہے وہی اس بات کا حقدار ہے کہ اس کے علاوہ کسی اور کی عبادت نہ کی جائے۔( جلالین مع صاوی الفرقان تحت الایۃ: ۵۴ ۴ / ۱۴۴۲-۱۴۴۳)