Surah Ash Shura Ayat 156 (26:156)

{و لا تمسوها بسوء: اور تم اس اونٹنی کو برائی کے ساتھ نہ چھونا۔} حضرت صالح علیہ الصلوۃ والسلام نے اس اونٹنی کے بارے میں مزید فرمایا کہ تم اس اونٹنی کو برائی کے ساتھ نہ چھونانہ اس کو مارنا اور نہ اس کے پاوں کی رگیں کاٹنا ورنہ تمہیں بڑے دن کا عذاب پکڑ لے گا۔ اس دن کوعذاب نازل ہونے کی وجہ سے بڑا فرمایا گیا تاکہ معلوم ہو کہ وہ عذاب اس قدر عظیم اور سخت تھا کہ جس دن میں وہ واقع ہوا اس کو اس کی وجہ سے بڑا فرمایا گیا۔( مدارک الشعراء تحت الایۃ: ۱۵۶ ص۸۲۸)