Surah Ash Shura Ayat 50 (26:50)

{قالوا: وہ بولے۔} اس ایت اور ا س کے بعد والی ایت کا خلاصہ یہ ہے کہ فرعون کی دھمکی سن کر ان جادو گروں نے کہا’’اللہ تعالی کی خاطر جان دینے میں کچھ نقصان نہیں خواہ دنیا میں کچھ بھی پیش آئے کیونکہ ہم اپنے رب عزوجل کی طرف ایمان کے ساتھ پلٹنے والے ہیں اور ہمیں اللہ تعالی سے رحمت کی امید ہے اور ہمیں اس بات کا لالچ ہے کہ ہمارا رب عزوجل اس بنا پر ہماری خطائیں بخش دے کہ ہم فرعون کی رعایا میں سے یا اس مجمع کے حاضرین میں سے سب سے پہلے حضرت موسی علیہ الصلوۃ والسلام پر ایمان لانے والے ہیں۔(خازن الشعراء تحت الایۃ: ۵۰-۵۱ ۳ / ۳۸۶-۳۸۷ مدارک الشعراء تحت الایۃ: ۵۰-۵۱ ص۸۲۰ ملتقطا) اس واقعہ کے بعد حضرت موسی علیہ الصلوۃ والسلام کئی سال تک وہاں ٹھہرے رہے اور ان لوگوں کو حق کی دعوت دیتے رہے لیکن ان کی سرکشی بڑھتی گئی۔