Surah An Naml Ayat 1 (27:1)

{ طس} یہ حروف مقطعات میں سے ایک حرف ہے اس کی مراد اللہ تعالی ہی بہتر جانتا ہے۔ {تلك ایت القران: یہ قرآن کی آیتیں ہیں ۔} ارشاد فرمایا کہ یہ سورت قرآن اوراس روشن کتاب کی آیتیں ہیں جو حق اور باطل میں امتیاز کرتی ہے اور جس میں علوم اور حکمتیں امانت رکھی گئی ہیں ۔ یہاں روشن کتاب سے مراد لوح محفوظ ہے یا اس سے مراد بھی قران پاک ہی ہے اور یہ قران مجید کی صفت ہے۔( جلالین النمل تحت الایۃ: ۱ ص۳۱۷ مدارک النمل تحت الایۃ: ۱ ص۸۳۷ ملتقطا)