Surah Al Qasas Ayat 22 (28:22)

{و لما توجه تلقآء مدین: اور جب وہ مدین کی طرف متوجہ ہوئے۔} مدین و ہ مقام ہے جہاں حضرت شعیب علیہ الصلوۃ والسلام تشریف رکھتے تھے اس کو مدین ابن ابراہیم کہتے ہیں مصر سے یہاں تک آٹھ روز کی مسافت ہے یہ شہر فرعون کی سلطنت کی حدود سے باہر تھا حضرت موسی علیہ الصلوۃ والسلام نے اس کا رستہ بھی نہ دیکھا تھا نہ کوئی سواری ساتھ تھی نہ توشہ نہ کوئی ہمراہی راستے میں درختوں کے پتوں اور زمین کے سبزے کے سوا خوراک کی اور کوئی چیز نہ ملتی تھی۔ جب حضرت موسی علیہ الصلوۃ والسلام نے مدین کی طرف جانے کا ارادہ کیا تویوں کہا :عنقریب میرا رب عزوجل مجھے مدین تک پہنچنے کا سیدھا راستہ بتائے گاچنانچہ اللہ تعالی نے ایک فرشتہ بھیجا جو آپ علیہ الصلوۃ والسلام کو مدین تک لے گیا۔( جلالین القصص تحت الایۃ: ۲۲ ص۳۲۸ خازن القصص تحت الایۃ: ۲۲ ۳ / ۴۲۸-۴۲۹ ملتقطا)