Surah Al Qasas Ayat 46 (28:46)

{و ما كنت بجانب الطور: اور نہ تم اس وقت طور کے کنارے پرتھے۔} ارشاد فرمایا کہ اے پیارے حبیب! صلی اللہ تعالی علیہ والہ وسلم اور نہ اپ اس وقت کوہ طور کے کنارے پرتھے جب ہم نے حضرت موسی علیہ الصلوۃ والسلام کو تورات عطا فرمانے کے بعدندا فرمائی لیکن یہ اپ کے رب عزوجل کی طرف سے رحمت ہے کہ ا س نے اپ کو غیبی علوم عطا فرمائے جن سے اپ گزشتہ انبیاء کرام علیہم الصلوۃ والسلام اورسابقہ امتوں کے احوال بیان فرمارہے ہیں اور آپ کا ان امور کی خبر دیناآپ کی نبوت کی روشن اور ظاہر دلیل ہے ۔ اللہ تعالی نے اپ کو غیبی علوم اس لئے عطا فرمائے تاکہ اپ اس قوم کو اللہ تعالی کے عذاب سے ڈرائیں جس کے پاس اپ سے پہلے کوئی ڈرانے والا نہیں آیا اور انہیں یہ امید کرتے ہوئے ڈرائیں کہ وہ نصیحت حاصل کریں ۔( خازن القصص تحت الایۃ: ۴۶ ۳ / ۴۳۴-۴۳۵ مدارک القصص تحت الایۃ: ۴۶ ص۸۷۳ ملتقطا) یاد رہے کہ کفار مکہ کے پاس نبی کریم صلی اللہ تعالی علیہ والہ وسلم سے پہلے کوئی رسول تشریف نہیں لائے اور عرب میں حضرت اسماعیل علیہ الصلوۃ والسلام کے بعد سے لے کر سرکار دوعالم صلی اللہ تعالی علیہ والہ وسلم تک کوئی رسول تشریف نہیں لائے اور اہل کتاب کے پاس حضرت عیسی علیہ الصلوۃ والسلام کے بعد سے لے کر حضور پر نور صلی اللہ تعالی علیہ والہ وسلم تک کوئی رسول تشریف نہیں لائے اورسید المرسلین صلی اللہ تعالی علیہ والہ وسلم جس طرح کفار مکہ کو اللہ تعالی کے عذاب سے ڈرانے والے ہیں اسی طرح اہل عرب اہل کتاب بلکہ پوری دنیا کے لوگوں کو اللہ تعالی کے عذاب سے ڈرانے والے ہیں ۔