Surah Al Imran Ayat 101 (3:101)

{و كیف تكفرون: او رتم کیوں کفر کرو گے }یہاں ابتداء صحابہ کرام رضی اللہ تعالی عنہم سے خطاب ہے کہ اے جماعت صحابہ! (رضی اللہ تعالی عنہم)تم کافروں کی طرح اپس میں کیسے لڑ سکتے ہوجبکہ تم حضور رحمۃللعالمین صلی اللہ تعالی علیہ والہ وسلم کے صحبت یافتہ ہواور ان کی زبان مبارک سے قران مجید سنتے ہو۔ اس ایت میں عام مسلمانوں کو بھی اس اعتبار سے نصیحت ہے کہ ہمارے درمیان قران موجود ہے اور حضور اقدس صلی اللہ تعالی علیہ والہ وسلم کی تعلیمات موجود ہیں تو پھر اپس میں نفسانی لڑائی کس طرح ہوسکتی ہے {و من یعتصم بالله : اور جس نے اللہ کا سہارامضبوطی سے تھام لیا۔}جس نے اللہ عزوجل کا سہارا تھاما یعنی اس کے رسول صلی اللہ تعالی علیہ والہ وسلم اور اس کے دین کو مضبوطی سے تھام لیا اور زندگی کے جملہ امور میں اسی کی طرف رجوع کیا تو اللہ عزوجل کے کرم سے وہ ضرور ہدایت پاجائے گا۔