Surah Al Imran Ayat 148 (3:148)

{فاتىهم الله ثواب الدنیا : تو اللہ نے انہیں دنیا کا انعام (بھی) عطا فرمایا۔}انبیاء کرام علیہم الصلوۃ والسلام کی معیت میں دین خدا عزوجل کیلئے جدوجہد کرنے والوں کے بارے میں فرمایا کہ ان کی حسن نیت اور حسن عمل کی وجہ سے اللہ تعالی نے انہیں دونوں جہان کی کامیابیاں عطا فرمائیں دنیا میں انہیں فتح و نصرت سے نوازا اور دشمنوں پر غلبہ عطا فرمایا جبکہ اخرت میں ان کیلئے مغفرت جنت اوررضائے الہی کا انعام رکھا۔ اس سے معلوم ہوا کہ اخرت کا ثواب دنیا کے انعام سے کہیں زیادہ ہے کیونکہ اخرت کے ثواب پر لفظ’’حسن‘‘ زیادہ فرمایا ہے اوریہ بھی معلوم ہوا کہ دین کی خدمت کرنے والے کو دنیا بھی ملتی ہے۔