Surah Al Imran Ayat 149 (3:149)

{ان تطیعوا الذین كفروا: اگر تم کافروں کی اطاعت کرو گے۔} یہاں مسلمانوں کو بہت واضح الفاظ میں سمجھایا گیا ہے کہ اگر تم کافروں کے کہنے پر چلو گے یا ان کے پیچھے چلو گے خواہ وہ یہودی ہوں یا عیسائی یامنافق یامشرک جس کے کہنے پر بھی چلو گے وہ تمہیں کفر بے دینی بدعملی اور اللہ تعالی کی نافرمانی کی طرف ہی لے کر جائیں گے اور اس کا نتیجہ یہ نکلے گا کہ تم اخرت کے ساتھ ساتھ اپنی دنیا بھی تباہ کربیٹھو گے۔ کتنے واضح اور کھلے الفاظ میں فرمادیا کہ کافروں سے ہدایات لے کر چلو گے تو وہ تمہاری دنیا و اخرت تباہ کردیں گے اور اج تک کا ساری دنیامیں مشاہدہ بھی یہی ہے لیکن حیرت ہے کہ ہم پھر بھی اپنا نظام چلانے میں اپنے کردار میں اپنے کلچر میں اپنے گھریلو معاملات میں اپنے کاروبار میں ہرجگہ کافروں کے کہنے پر اور ان کے طریقے پر ہی چل رہے ہیں جس سے ہمارا رب کریم عزوجل ہمیں بار بار منع فرمارہا ہے۔