Surah Ar Rum Ayat 50 (30:50)

{فانظر الى اثر رحمت الله: تو اللہ کی رحمت کے نشانات دیکھو۔} ارشاد فرمایا کہ اے لوگو! اللہ تعالی کی رحمت یعنی بارش نازل ہونے پر مرتب ہونے والے نشانات دیکھو کہ بارش زمین کو سیراب کرتی ہے پھر اس سے سبزہ نکلتا ہے سبزے سے پھل پیدا ہوتے ہیں اور پھلوں میں غذائیت ہوتی ہے اور اس سے جانداروں کے جسمانی نظام کو مدد پہنچتی ہے اور یہ دیکھو کہ اللہ تعالی یہ سبزے اور پھل پیدا کرکے کس طرح خشک ہوجانے والی زمین کوسرسبز و شاداب بنا دیتا ہے اور جس نے خشک زمین کوسرسبز کر دیا وہ بے شک مردوں کو زندہ کرے گا اور وہ ہراس چیز پر قادر ہے جو اس کی قدرت کے تحت انے کی صلاحیت رکھتی ہے۔( روح البیان الروم تحت الایۃ: ۵۰ ۷ / ۵۲ ابو سعود الروم تحت الایۃ: ۵۰ ۴ / ۲۸۳ مدارک الروم تحت الایۃ: ۵۰ ص۹۱۲ ملتقطا)