Surah As Sajdah Ayat 13 (32:13)

{و لو شئنا: اور اگر ہم چاہتے۔} اس ایت میں اللہ تعالی نے ارشاد فرمایا کہ اگر ہم چاہتے توہر جان کو ایمان کی ہدایت اور توفیق دیدیتے اور اس پر ایسا لطف و کرم کرتے کہ اگر وہ اس کو اختیارکرتا تو راہ یاب ہوتا لیکن ہم نے ایسا نہ کیا کیونکہ ہم کافروں کوجانتے تھے کہ وہ کفر ہی اختیار کریں گےاور میری یہ بات طے ہوچکی ہے کہ میں ضرور جہنم کو ان جنوں اور انسانوں سے بھردوں گا جنہوں نے کفر اختیار کیا ۔( مدارک السجدۃ تحت الایۃ: ۱۳ ص۹۲۶ خازن السجدۃ تحت الایۃ: ۱۳ ۳ / ۴۷۷ ملتقطا) جنوں اور انسانوں سے جہنم کو بھردیا جائے گا: معلوم ہو ا کہ جہنم کو کافر جنوں اور انسانوں سے بھر دیاجائے گا۔ ایک اور مقام پر ابلیس کو مخاطب کرتے ہوئے اللہ تعالی ارشاد فرماتا ہے: ’’ لاملــٴـن جهنم منك و ممن تبعك منهم اجمعین‘‘ (ص:۸۵) ترجمہکنزالعرفان: بیشک میں ضرور تجھ سے اور تیری پیروی کرنے والوں سے سب سے جہنم بھردوں گا۔