Surah Al Ahzab Ayat 18 (33:18)

{قد یعلم الله المعوقین منكم: بیشک اللہ تم میں سے ان لوگوں کو جانتا ہے جو دوسروں کو جہاد سے روکتے ہیں۔} شان نزول : یہ آیت منافقین کے بارے میں نازل ہوئی ان کے پاس یہودیوں نے پیغام بھیجا تھا کہ تم کیوں اپنی جانیں ابوسفیان کے ہاتھوں سے ہلاک کرانا چاہتے ہو اس کے لشکری اس مرتبہ اگر تمہیں پا گئے تو تم میں سے کسی کو باقی نہ چھوڑیں گے ہمیں یہ اندیشہ ہے کہ تم کسی مصیبت میں گرفتار نہ ہو جاو تم ہمارے بھائی اور ہمسائے ہو ا س لئے ہمارے پاس آجاؤ۔ یہ خبر پا کر عبد اللہ بن ابی بن سلول منافق اور اس کے ساتھی مومنین کو ابوسفیان اور اس کے ساتھیوں سے ڈرا کر رسول کریم صلی اللہ تعالی علیہ والہ وسلم کا ساتھ دینے سے روکنے لگے اور اس میں انہوں نے بہت کوشش کی لیکن جس قدر انہوں نے کوشش کی مومنین کی ثابت قدمی اوراستقلال اور بڑھتا گیا۔( بغوی الاحزاب تحت الایۃ: ۱۸ ۳ / ۴۴۶)