Surah Saba Ayat 3 (34:3)

{و قال الذین كفروا: اور کافروں نے کہا۔} مرنے کے بعد دوبارہ زندہ کئے جانے کا انکار کرنے والے کفار نے کہا کہ ہم پر قیامت نہ آئے گی۔ ان کا رد کرتے ہوئے اللہ تعالی نے ارشاد فرمایا: ’’اے حبیب! صلی اللہ تعالی علیہ والہ وسلم اپ ان کفار سے فرما دیں کہ قیامت کیوں نہیں ائے گی میرے رب عزوجل کی قسم ! بے شک قیامت تم پرضرور آئے گی میرے رب عزوجل کی شان یہ ہے کہ وہ غیب کا جاننے والا ہے اوراس سے کوئی چیز بھی مخفی نہیں جب ہر چیز اسے معلوم ہے تو قیامت کا آنا اور اس کے قائم ہونے کا وقت بھی اس کے علم میں ہے۔( خازن سبا تحت الایۃ: ۳ ۳ / ۵۱۶ مدارک سبا تحت الایۃ: ۳ ص۹۵۵-۹۵۶ ملتقطا) {لا یعزب عنه مثقال ذرة فی السموت و لا فی الارض: آسمانوں میں اور زمین میں ذرہ برابر بھی کوئی چیز اس سے پوشیدہ نہیں ہے۔} قیامت کا انکار کرنے والوں کاایک یہ اعتراض تھا کہ انسانوں کے اجزا بکھرنے کے بعد اس طرح کیسے جمع ہو سکیں گے کہ کسی کے بدن کا کوئی جز دوسرے کے بدن میں نہ پہنچنے پائے۔ اس ایت میں اس اعتراض کاا نتہائی نفیس طریقے سے جواب دیا گیا کہ تم نے مخلوق کی پراگندگی کو دیکھا ہے جبکہ خالق کی قدرت و علم کا اندازہ نہ کیا کہ وہ ہر بدن کے ہر ذرے کو جانتا ہے۔ایت کے اخری حصے میں ارشاد فرمایا کہ ذرہ سے بھی چھوٹی اور بڑی کوئی چیز ایسی نہیں ہے جو ایک صاف بیان کرنے والی کتاب لوح محفوظ میں لکھی ہوئی نہ ہو ۔( روح المعانی سبا تحت الایۃ: ۳ ۱۱ / ۳۸۳ خازن سبا تحت الایۃ: ۳ ۳ / ۵۱۶ ملتقطا)