Surah As Saffat Ayat 165 (37:165)

{و انا لنحن الصآفون:اور بیشک ہم (حکم کے انتظار میں )صف باندھے ہوئے ہیں ۔} اس ایت کی ایک تفسیر یہ ہے کہ فرشتے کہتے ہیں: بیشک ہم اطاعت کے مقامات اور خدمت کی جگہوں میں پر پھیلائے اللہ تعالی کے حکم کے منتظر ہیں ۔دوسری تفسیر یہ ہے کہ جس طرح لوگ زمین میں صفیں باند ھ کر نماز پڑھتے ہیں اسی طرح ہم (اسمان میں) صفیں باندھ کر اللہ تعالی کی عبادت میں مشغول ہیں ۔تیسری تفسیر یہ ہے کہ ہم عرش کے ارد گرد اللہ تعالی کے حکم کے انتظار میں صفیں باندھے ہوئے ہیں ۔( ابو سعود الصافات تحت الایۃ : ۱۶۵ ۴ / ۴۲۴ خازن و الصافات تحت الایۃ : ۱۶۵ ۴ / ۲۸ روح المعانی الصافات تحت الایۃ: ۱۶۵ ۱۲ / ۲۰۵ ملتقطا) {و انا لنحن المسبحون: اور بیشک ہم (اس کی) تسبیح کرنے والے ہیں ۔} یعنی ہم اللہ تعالی کی پاکی بیان کرنے والے ہیں کہ وہ ہر نقص و عیب سے پاک ہے۔