Surah Sad Ayat 10 (38:10)

{ام لهم ملك السموت و الارض و ما بینهما: یاکیا ان کے لیے آسمانوں اور زمین اور جو کچھ ان کے درمیان ہے سب کی سلطنت ہے} یعنی جو مشرکین تکبر اورمخالفت میں پڑے ہوئے ہیں کیا ان کے لیے آسمانوں اور زمین اور جو کچھ ان کے درمیان ہے سب کی سلطنت ہے اگر ایساہے تو اس صورت میں انہیں چاہیے کہ رسیوں کے ذریعے اسمانوں میں چڑھ جائیں اور ایسا اختیار ان کے پاس ہو تو جسے چاہیں وحی کے ساتھ خاص کریں اور کائنات کاانتظام اپنے ہاتھ میں لے لیں اور جب یہ کچھ نہیں ہے تو اللہ تعالی کے کاموں اور اس کے انتظامات میں دخل کیوں دیتے ہیں اور انہیں ایسی بے سرو پا باتیں کرنے کا کیا حق ہے(تفسیر طبری ص تحت الایۃ: ۱۰ ۱۰ / ۵۵۴ جلالین ص تحت الایۃ: ۱۰ ص۳۸۰ مدارک ص تحت الایۃ: ۱۰ ص۱۰۱۵-۱۰۱۶ ملتقطا)