Surah Az Zumar Ayat 24 (39:24)

{افمن یتقی بوجهه سوء العذاب یوم القیمة: تو کیا وہ جو قیامت کے دن اپنے چہرے کے ذریعے برے عذاب کوروکنے کی کوشش کرے گا۔} اللہ تعالی نے ان لوگوں پر دو چیزیں لازم فرمادیں جن کے دل (اللہ تعالی کے ذکر سے) سخت ہو گئے(1) دنیا میں گمراہی۔اس کا ذکر اوپر والی ایت میں ہوا(2)اخرت میں شدید عذاب۔اس کا ذکر اس ایت میں ہے اورایک قول یہ ہے کہ اس ایت میں جس کا ذکر ہے ا س سے مراد وہ کافر ہے جس کے ہاتھ گردن کے ساتھ ملا کر باندھ دیئے جائیں گے اور اس کی گردن میں گندھک کا ایک جلتا ہوا پہاڑ پڑا ہوگا جو اس کے چہرے کوبھون ڈالتا ہوگا اس طرح اسے اوندھا کرکے آتش جہنم میں گرایا جائے گا۔ایت کا خلاصہ یہ ہے کہ تو کیا وہ جو قیامت کے دن اپنے چہرے کو ڈھال بنا کر اس کے ذریعے برے عذاب کوروکنے کی کوشش کرے گاوہ اس مومن کی طرح ہوسکتا ہے جو عذاب سے مامون اور محفوظ ہوہرگز نہیں ۔ اور ظالموں سے جہنم کے خازن کہیں گے :دنیا میں جو کفر سرکشی اختیار کی تھی اب اس کا وبال و عذاب برداشت کرو۔(تفسیرکبیر الزمر تحت الایۃ: ۲۴ ۹ / ۴۴۸ خازن الزمر تحت الایۃ: ۲۴ ۴ / ۵۴ ملتقطا)