Surah Az Zumar Ayat 27 (39:27)

{و لقد ضربنا للناس فی هذا القران من كل مثل: اور بیشک ہم نے لوگوں کے لیے اس قرآن میں ہر قسم کی مثال بیان فرمائی۔} ارشاد فرمایا کہ بیشک ہم نے لوگوں کے لیے اس قرآن میں وہ تمام مثالیں بیان فرمائی ہیں جن کی اپنے دین کے معاملے میں غور کرنے والے کو ضرورت ہے تاکہ وہ (انہیں پڑھ اور سن کر) نصیحت قبول کریں ۔( بیضاوی الزمر تحت الایۃ: ۲۷ ۵ / ۶۵) قران پاک میں سب کی ضرورتوں کا لحاظ رکھا گیاہے: یادرہے کہ قران کریم میں دلائل مثالیں بشارت ڈرانا عشق الہی اور نعت مصطفی سب ہی مذکور ہیں کیونکہ قران پاک ساری دنیا کے لئے ایا ہے اورہر جگہ اور علاقے کے لوگوں کی طبیعتیں مختلف ہیں ان میں سے کوئی دلائل سے مانتا ہے کوئی خوف سے کوئی لالچ سے کوئی عشق و محبت سےاس لئے قران پاک میں سب کی ضرورتوں کا لحاظ رکھا گیاہے۔