Surah Az Zumar Ayat 6 (39:6)

{خلقكم من نفس واحدة: اس نے تمہیں ایک جان سے پیدا کیا۔} اس سے پہلی ایت میں اللہ تعالی کی وحدانیت اور قدرت پر افاقی نشانیوں سے دلائل بیان کئے گئے اور اس ایت میں زمینی نشانیوں سے وحدانیت اور قدرت پر دلائل دئیے جا رہے ہیں : پہلی دلیل یہ ارشاد فرمائی کہ اے لوگو! اللہ تعالی نے تمہیں ایک جان حضرت ادم علیہ الصلوۃ والسلام سے پیدا فرمایا پھر انہی سے حضرت حوا رضی اللہ تعالی عنہا کو پیدا فرمایا ۔ دوسری دلیل یہ ارشاد فرمائی کہ اللہ تعالی نے تمہارے لئے اونٹگائےبکری اوربھیڑ سے آٹھ جوڑے پیدا کئے جوڑوں سے مراد نر اور مادہ ہیں ۔ تیسری دلیل یہ ارشاد فرمائی کہ اللہ تعالی تمہیں تمہاری ماؤں کے پیٹ میں تین اندھیروں میں پیدا کرتا ہے ایک حالت کی تخلیق کے بعد دوسری حالت کی تخلیق ہوتی ہے۔ تین اندھیروں سے مرادپیٹ بچہ دانی اور ا س کی جھلی کا اندھیرا ہے اور ایک حالت کے بعد دوسری حالت کی تخلیق سے مراد یہ ہے کہ پہلے نطفہپھر جمے ہوئے خونپھر گوشت کے ٹکڑے اور پھر مکمل بچے کی تخلیق ہو تی ہے۔ایت کے اخر میں ارشاد فرمایا کہ جس نے اپنی کامل قدرت سے ان چیزوں کو پیدا فرمایا صرف وہی اللہ تعالی تمہارا رب ہے اسی کی بادشاہی ہے نہ کہ کسی اور کی اس کے سوا نہ کوئی خالق ہے اور نہ ہی کوئی عبادت کے لائق ہے تو تم کہاں پھیرے جاتے ہو اور اس بیان کے بعدحق راستے سے دور ہوتے ہو کہ اس کی عبادت چھوڑ کر غیر کی عبادت کرتے ہو۔( مدارک الزمر تحت الایۃ: ۶ ص۱۰۳۱ خازن الزمر تحت الایۃ: ۶ ۴ / ۴۹ ملتقطا)