Surah Az Zumar Ayat 5 (39:5)

{خلق السموت و الارض بالحق: اس نے آسمان اور زمین حق کے ساتھ بنائے۔} اس سے پہلی ایت کے اخر میں بیان فرمایا کہ اللہ تعالی واحد ہے اس کا کوئی شریک نہیں وہ غلبے والا قدرت والا ہے اور اس ایت میں اپنے اوصاف بیان کرکے اللہ تعالی نے اپنی وحدانیت اور قدرت کی دلیل دیتے ہوئے فرمایا کہ اللہ تعالی نے زمین اور اسمان باطل اور بیکار نہیں بنائے بلکہ بے شمار حکمتوں پر مشتمل بنائے ہیں وہ کبھی رات کی تاریکی سے دن کے ایک حصہ کو چھپاتا ہے اور کبھی دن کی روشنی سے رات کے حصہ کو۔ مراد یہ ہے کہ کبھی دن کا وقت کم کر کے رات کو بڑھاتا ہے اور کبھی رات کا وقت کم کر کے دن کو زیادہ کرتا ہے یوں رات اور دن میں سے کم ہونے والا کم ہوتے ہوتے کئی گھنٹے کم ہو جاتا ہے اور بڑھنے والا بڑھتے بڑھتے کئی گھنٹے بڑھ جاتا ہے اور اللہ تعالی نے سورج اور چاند کو کام میں لگایا ان میں سے ہر ایک قیامت تک اپنے مقرر نظام پر چلتا رہے گا (جب اللہ تعالی کے اوصاف یہ ہیں تو اس کا کوئی شریک کس طرح ہو سکتا ہے) سن لو! بیشک اللہ تعالی اس شخص کو سزا دینے پر قادر ہے جو سورج اور چاند کی تسخیر سے نصیحت حاصل نہ کرے اور اسے بخشنے والا ہے جو ان میں غورو فکرکر کے نصیحت حاصل کرے اور ان کے نظام کو چلانے والے رب تعالی پر ایمان لے ائے۔( روح البیان الزمر تحت الایۃ : ۵ ۸ / ۷۲-۷۳ خازن الزمر تحت الایۃ: ۵ ۴ / ۴۹ مدارک الزمر تحت الایۃ: ۵ ص۱۰۳۱ ملتقطا)