Surah Az Zumar Ayat 4 (39:4)

{لو اراد الله ان یتخذ ولدا: اگر اللہ اپنے لیے اولاد بنانے کا ارادہ فرماتا۔} کفار اللہ تعالی کے لئے اولاد مانتے تھے اس ایت میں اللہ تعالی نے کفار کا رد کرتے ہوئے اپنے اولاد سے پاک ہونے کا بیان فرمایا کہ اگر بالفرض مشرکین کے گمان کے مطابق اللہ تعالی کے لئے اولاد ممکن ہوتی تو وہ خود جسے چاہتا اولاد بناتا نہ کہ یہ تجویز کفار پر چھوڑتا کہ وہ جسے چاہیں خدا کی اولاد قرار دیں (معاذ اللہ) لیکن اللہ تعالی کی شان یہ ہے کہ وہ اولاد سے اور ہر اس چیز سے پاک ہے جو اس کی شان اقدس کے لائق نہیں کیونکہ وہی ایک اللہ عزوجل سب پر غالب ہےنہ اس کا کوئی شریک ہے اورنہ اس کی کوئی اولاد ہے۔( مدارک الزمر تحت الایۃ: ۴ ص۱۰۳۰-۱۰۳۱ خازن الزمر تحت الایۃ: ۴ ۴ / ۴۹ ملتقطا)