Surah Az Zumar Ayat 3 (39:3)

{الا لله الدین الخالص: سن لو! خالص عبادت اللہ ہی کیلئے ہے۔} اس ایت کا خلاصہ یہ ہے کہ اے لوگو! سن لو کہ شرک سے خالص عبادت اللہ تعالی ہی کیلئے ہے کیونکہ اس کے سوا کوئی عبادت کا مستحق ہی نہیں اور وہ بت پرست جنہوں نے اللہ تعالی کے علاوہ اور معبود ٹھہرا لئے ہیں اور بتوں کی پوجا کرتے ہیں وہ (اللہ تعالی کو خالق ماننے کے باوجود) کہتے ہیں کہ ہم تو ان بتوں کی صرف اس لئے عبادت کرتے ہیں تاکہ یہ ہمیں اللہ تعالی کے زیادہ نزدیک کردیں تو یہ سمجھنے والے جھوٹے اور ناشکرے ہیں یعنی جھوٹے تو اس بات میں ہیں کہ بتوں کو خدا کا قرب دلانے والا سمجھتے ہیں اور ناشکرے اس لئے ہیں کہ خدا کی نعمتیں کھاکر اور اس کو خالق مان کر پھر بھی شرک کرتے ہیں تو ان کافروں کا مسلمانوں کے ساتھ توحید و شرک میں جو اختلاف ہے اس کا فیصلہ قیامت میں اللہ تعالی ہی فرمائے گا اور وہ فیصلہ ایمان داروں کو جنت میں اور کافروں کو دوزخ میں داخل کرنے کے ذریعے ہوگا ۔ صرف اللہ تعالی کی رضاکے لئے کیا جانے والا عمل مقبول ہے: اس ایت سے معلوم ہوا کہ وہی عمل قابل قبول ہے جو صرف اللہ تعالی کی رضا کے لئے کیا جائے اسی طرح حضرت یزید رقاشی رضی اللہ تعالی عنہ سے مروی ہےایک شخص نے عرض کی: یا رسول اللہ! صلی اللہ تعالی علیہ والہ وسلم ہم شہرت حاصل کرنے کے لئے اپنے اموال دیتے ہیں کیا ہمیں اس کا کوئی اجر ملے گانبی کریم صلی اللہ تعالی علیہ والہ وسلم نے ارشاد فرمایا:’’اللہ تعالی اسی عمل کو قبول فرماتا ہے جو خالص اس کے لئے کیا جائے پھر اپ صلی اللہ تعالی علیہ والہ وسلم نے یہ ایت تلاوت فرمائی: ’’الا لله الدین الخالص‘‘۔(در منثور الزمر تحت الایۃ: ۳ ۷ / ۲۱۱) اللہ تعالی کے مقبول بندوں کو وسیلہ سمجھنا شرک نہیں: یاد رہے کہ کسی کو اللہ تعالی سے قرب حاصل ہونے کا وسیلہ سمجھنا شرک نہیں کیونکہ اللہ تعالی کی بارگاہ تک پہنچنے کے لئے وسیلہ تلاش کرنے کا قران پاک میں حکم دیا گیا ہےجیسا کہ ارشاد باری تعالی ہے: ’’ یایها الذین امنوا اتقوا الله و ابتغوا الیه الوسیلة‘‘(مائدہ:۳۵) ترجمہ کنزالعرفان: اے ایمان والو! اللہ سے ڈرو اور اس کی طرف وسیلہ ڈھونڈو۔ البتہ جسے وسیلہ سمجھا جائے اسے معبود جاننا اور اس کی پوجا کرنا ضرور شرک ہے۔یہ فرق سامنے رکھتے ہوئے اگر انبیاء کرام علیہم الصلوۃ والسلام اور اولیاء عظام رحمۃاللہ تعالی علیہم کو اللہ تعالی سے قرب حاصل ہونے کا وسیلہ سمجھنے سے متعلق اہل حق کا عقیدہ اور نظریہ دیکھا جائے تو واضح ہوجائے گا کہ ان کا یہ عقیدہ شرک ہر گز نہیں کیونکہ وہ انبیاء کرام علیہم الصلوۃ والسلام اور اولیاء عظام رحمۃاللہ تعالی علیہم کو معبود نہیں مانتے اور نہ ہی ان کی عبادت کرتے ہیں بلکہ معبود صرف اللہ تعالی کو مانتے ہیں اور صرف اسی کی عبادت کرتے ہیں جبکہ انہیں صرف اللہ تعالی کا مقبول بندہ مان کر اس کی بارگاہ تک پہنچنے کا ذریعہ اور وسیلہ سمجھتے ہیں ۔ایت میں مشرکوں کی بتوں کو وسیلہ ماننے کی تردید دو وجہ سے ہے۔ ایک تو اس وجہ سے کہ وہ وسیلہ ماننے کے چکر میں بتوں کو خدا بھی مانتے تھے جیسا کہ ان کا اپنا قول ایت میں موجود ہے کہ ہم ان کی عبادت اس لئے کرتے ہیں کہ یہ ہمیں خدا کے قریب کردیں ۔ دوسرا رد اس وجہ سے ہے کہ وسیلہ ماننا اصل میں انہیں شفیع یعنی شفاعت کرنے والا ماننا ہے اور اللہ تعالی کی بارگاہ میں شفاعت کی اجازت انبیاء و اولیاء و صلحاء کو ہے نہ کہ بتوں کو تو بتوں کو شفیع ماننا خدا پر جھوٹ ہے۔