Surah An Nisa Ayat 157 (4:157)

{و قولهم: اور ان کے اس کہنے کی وجہ سے۔} اس ایت میں یہودیوں کے ساتویں سنگین جرم کا بیان کیا گیا کہ یہودیوں نے دعوی کیا کہ انہوں نے حضرت عیسی علیہ الصلوۃ والسلام کو قتل کردیا ہے اور عیسائیوں نے اس کی تصدیق کی تھی اللہ تعالی نے ان دونوں کی تکذیب فرما دی۔ کیونکہ واقعہ یوں ہوا کہ جو منافق شخص یہودیوں کو حضرت عیسی علیہ الصلوۃ والسلام کا پتہ دینے کے لئے اپ علیہ الصلوۃ والسلام کے گھر میں داخل ہوا وہ حضرت عیسی علیہ الصلوۃ والسلام کا ہم شکل ہو گیا اور اپ علیہ الصلوۃ والسلام اسمان پر تشریف لے گئے۔ یہودیوں نے اسی منافق کو حضرت عیسی علیہ الصلوۃ والسلام کے دھوکے میں سولی دے دی لیکن پھر خود بھی حیران تھے کہ ہمارا ادمی کہا ں گیا نیز اس کا چہرہ حضرت عیسی علیہ الصلوۃ والسلام جیسا تھا اور ہاتھ پاوں مختلف۔(مدارک النساء تحت الایۃ: ۱۵۷ ص۲۶۳-۲۶۴) اس کا ذکر ا س ایت کریمہ میں ہو رہا ہے اور اسی وجہ سے وہ شک میں پڑگئے اور یقینی طور پر کچھ نہیں کہہ سکتے تھے کہ وہ مقتول کون ہے بعض کہتے ہیں کہ یہ مقتول حضرت عیسی علیہ الصلوۃ والسلام ہیں۔ بعض کہتے ہیں کہ یہ چہرہ تو حضرت عیسی علیہ الصلوۃ والسلام کا ہے لیکن جسم حضرت عیسی علیہ الصلوۃ والسلام کا نہیں لہذا یہ وہ نہیں۔ یہودیوں کی پیروی میں اج کل قادیانی بھی اسی جہالت میں گرفتا ر ہیں۔