Surah An Nisa Ayat 165 (4:165)

{رسلا مبشرین و منذرین: رسول بھیجے خوشخبری دیتے اور ڈر سناتے۔} رسولوں علیہم الصلوۃ والسلام کی تشریف اوری کا مقصد نیک اعمال پر ثواب کی بشارت اور برے اعمال پرعذاب سے ڈرانا ہے اور ایک حکمت یہ ہے کہ انبیاء کرام علیہم الصلوۃ والسلام کی تشریف اوری کے بعد لوگوں کو یہ کہنے کا موقع نہ مل سکے کہ اگر ہمارے پاس رسول آتے تو ہم ضرور ان کا حکم مانتے اوراللہ عزوجل کے مطیع و فرمانبردار ہوتے۔ اس آیت سے یہ مسئلہ معلوم ہوتا ہے کہ اللہ تعالی رسولوں کی بعثت سے پہلے مخلوق پر عذاب نہیں فرماتا جیسا کہ دوسری جگہ ارشاد فرمایا: و ما كنا معذبین حتى نبعث رسولا(۱۵)(بنی اسرائیل:۱۵) ترجمہ کنزالعرفان: اور ہم کسی کو عذاب دینے والے نہیں ہیں جب تک کوئی رسول نہ بھیج دیں۔