Surah Ghafir Ayat 45 (40:45)

{فوقىه الله سیات ما مكروا: تو اللہ نے اسے بچالیا ان کے مکر کی برائیوں سے۔} اس سے پہلی ایت میں بیان ہو اکہ مرد مومن نے (فرعونیوں کی دھمکی کی پرواہ نہ کی اور) اپنا معاملہ اللہ تعالی کے سپرد کر دیااور یہاں بیان کیا جا ر ہاہے کہ جب فرعون اور اس کے درباریوں نے مرد مومن کو سزا دینے کا ارادہ کیا تو اللہ تعالی نے اسے ان کے شر سے بچا لیا جبکہ فرعون کی قوم اور فرعون کا انجام یہ ہوا کہ انہیں برے عذاب نے گھیر لیادنیا میں وہ فرعون کے ساتھ دریا میں غرق ہوگئے اور قیامت کے دن جہنم میں جائیں گے ۔( تفسیرکبیر المومن تحت الایۃ: ۴۵ ۹ / ۵۲۱ خازن حم المومن تحت الایۃ: ۴۵ ۴ / ۷۳ ملتقطا) اس سے معلوم ہو اکہ جو شخص اپنا معاملہ اللہ تعالی کے سپرد کر دیتا ہے اور اس پر بھروسہ کرتا ہے تواللہ تعالی اسے کفایت فرماتا اور دشمنوں کے مکر و فریب سے بچالیتاہے۔