Surah Fussilat Ayat 12 (41:12)

{فقضىهن سبع سموات فی یومین: تو اللہ نے انہیں دو دن میں سات آسمان بنادیا۔} اس ایت میں چار چیزیں بیان کی گئی ہیں (1)…جب اللہ تعالی نے اسمان کو پیدا کرنے کا قصد فرمایا تو اس نے دو دن میں سات آسمان بنادئیے۔یہ کل چھ دن ہوئے جن میں کائنات کی تخلیق ہوئی ۔ (2)…اللہ تعالی نے ہر آسمان میں اس کے کام کے احکام بھیج دیئے۔اس سے مراد یہ ہے کہ اللہ تعالی نے ہر اسمان میں وہاں کے رہنے والوں کو طاعت و عبادت اورامرو نہی کے احکام بھیج دیئے (3)…اللہ تعالی نے سب سے نیچے والے آسمان کوجو زمین سے قریب ہے چراغ کی طرح روشن ہونے والے ستاروں سے آراستہ کیا اورباتیں چرانے والے شیطانوں سے اسمان کی حفاظت کے لیے ستارے بنائے۔ (4)…یہ بہترین نظام اس اللہ تعالی کا مقرر کیا ہوا ہے جو سب پر غالب اور اپنی مخلوق اوران کی حرکات و سکنات کا علم رکھنے والا ہے۔(خازن فصلت تحت الایۃ : ۱۲ ۴ / ۸۲ مدارک فصلت تحت الایۃ: ۱۲ ص۱۰۷۰-۱۰۷۱ جلالین فصلت تحت الایۃ: ۱۲ ص۳۹۷ ملتقطا)