Surah Al Maidah Ayat 60 (5:60)

{قل: اے محبوب! تم فرماؤ۔} یہودیوں نے مسلمانوں سے کہا کہ تمہارے دین سے بدتر کوئی دین ہم نہیں جانتے۔ اس پر فرمایا گیا کہ مسلمانوں کو تو تم صرف اپنے بغض و کینہ اور دشمنی کی وجہ سے ہی برا کہتے ہو جبکہ حقیقت میں اصل بدتر تو تم لوگ ہو اور ذرا اپنے حالات دیکھ کر خود فیصلہ کر لو کہ تم اللہ تعالی کے محبوب ہو یا مردود پچھلے زمانہ میں صورتیں تمہاری مسخ ہوئیں سور بندر تم بنائے گئے بچھڑے کوتم نے پوجا اللہ تعالی کی لعنت تم پر ہوئی غضب الہی کے مستحق تم ہوئے تو حقیقی بدنصیب اور بدتر تو تم ہواور تم ہی بدترین مقام یعنی جہنم میں جاو گے۔