Surah Al Qamar Ayat 22 (54:22)

{ و لقد یسرنا القران للذكر: اور بیشک ہم نے قرآن یاد کرنے/نصیحت لینے کیلئے آسان کردیا۔} قران پاک کے علاوہ جتنی اسمانی کتابیں نازل ہوئیں وہ صرف انبیاء کرام علیہم الصلوۃ والسلام کو زبانی یاد تھیں اور ان کی امت کے لوگ صرف دیکھ کر ہی ان کی تلاوت کر سکتے ہیں جبکہ اللہ تعالی نے اپنے حبیب صلی اللہ تعالی علیہ والہ وسلم کی امت کو یہ خصوصیت عطا فرمائی ہے کہ ان میں چھوٹوں سے لے کر بڑوں تک بے شمار ایسے لوگ موجود ہیں جنہیں قران پاک زبانی یاد ہے۔ حدیث قدسی میں ہےاللہ تعالی نے اپنے حبیب صلی اللہ تعالی علیہ والہ وسلم سے ارشاد فرمایا: ’’جعلت من امتک اقواما قلوبہم اناجیلہم‘‘(تہذیب الاثار للطبری مسند عبد اللہ بن عباس رضی اللہ عنہ ۲ / ۴۳۳ السفر الاول الحدیث: ۷۲۷) اس کی وضاحت کچھ یوں ہے کہ اے حبیب! صلی اللہ تعالی علیہ والہ وسلم میں اپ کی امت میں ایسے لوگ پیدا کروں گا جن کے دلوں میں قران اس طرح محفوظ ہو گا جیسے سابقہ انبیاء کرام علیہم الصلوۃ والسلامکے دلوں میں انجیل محفوظ تھی۔