Surah Al Hadid Ayat 7 (57:7)

{امنوا بالله و رسوله: اللہ اور اس کے رسول پر ایمان لاؤ۔} اللہ تعالی کی وحدانیت پر دلالت کرنے والی مختلف چیزیں بیان کرنے کے بعد اب بندوں کو ایمان قبول کرنےمحبت دنیا کو چھوڑ دینے اور نیک کاموں میں مال خرچ کرنے کا حکم دیا جا رہا ہے۔ اس ایت کی ایک تفسیر یہ ہے کہ اے لوگو! اللہ تعالی کی وحدانیت کا اقرار کر کے اور جن چیزوں کو نبی اکرم صلی اللہ تعالی علیہ والہ وسلم اللہ تعالی کی طرف سے لائے ہیں ان میں ان کی تصدیق کر کے اللہ تعالی اور اس کے رسول پر ایمان لاو اور ان کی پیروی کرو اور جو مال اس وقت تمہارے قبضے میں ہے تم وراثت کے طور پر اس میں دوسروں کے جانشین بنے ہو اور عنقریب یہ تمہارے بعد والوں کی طرف منتقل ہو جائے گا لہذا تم پہلے لوگوں سے نصیحت حاصل کرو اور اس مال کو اللہ تعالی کی راہ میں خرچ کرنے سے بخل نہ کرو اور تم میں سے جو لوگ ایمان لائے اور انہوں نے اپنا مال اسی طرح خرچ کیا جیسے انہیں حکم دیا گیا تھا تو ا س بنا پر ان کے لئے بڑا ثواب ہے۔ دوسری تفسیر یہ ہے کہ اے لوگو! اللہ تعالی اورا س کے رسول پر ایمان لاو اور جو مال تمہارے قبضے میں ہے یہ سب اللہ تعالی کے ہیں اس نے تمہیں نفع اٹھانے کے لئے دے دیئے ہیں تم حقیقی طور پر ان کے مالک نہیں بلکہ نائب اور وکیل کی طرح ہوا نہیں راہ خدا میں خرچ کرو اور جس طرح نائب اور وکیل کو مالک کے حکم سے خرچ کرنے میں کوئی تامل نہیں ہوتا توتمہیں بھی کوئی تامل و تردد نہ ہو۔اور تم میں سے جو لوگ اللہ تعالی اور ا س کے رسول پر ایمان لائے اور انہوں نے اللہ تعالی کی راہ میں مال خرچ کیا ان کے لیے بڑا ثواب ہے۔( صاوی الحدید تحت الایۃ : ۷ ۶ / ۲۱۰۲-۲۱۰۳ تفسیر طبری الحدید تحت الایۃ: ۷ ۱۱ / ۶۷۱-۶۷۲ روح البیان الحدید تحت الایۃ: ۷ ۹ / ۳۵۳-۳۵۴ ملتقطا)