Surah Al Anam Ayat 117 (6:117)

{ ان ربك هو اعلم:بیشک تیرا رب خوب جانتا ہے ۔} یعنی کفار جو دوسروں سے فیصلہ کروانے کی بات کرتے ہیں یہ انتہائی نادان ہیں کیونکہ اللہ تعالی بہتر جانتا ہے کہ لوگوں میں سے گمراہ کون ہے اور حق پر کون ہے اور یہ بھی وہی بہتر جانتا ہے کہ کفار اور مومنین میں سے گمراہی اور ہدایت پر کون ہے اور وہی ان میں سے ہر ایک کو وہ جزا دے گا جس کا وہ مستحق ہے۔ (بغوی الانعام تحت الایۃ: ۱۱۷ ۲ / ۱۰۳ روح البیان الانعام تحت الایۃ: ۱۱۷ ۳ / ۹۲ ملتقتا) یعنی مومن حق و ہدایت پر ہیں اور کفار باطل و ضلالت پر۔