Surah Al Anam Ayat 2 (6:2)

{ هو الذی خلقكم من طین:وہی ہے جس نے تمہیں مٹی سے پیدا کیا۔} اس ایت میں ان مشرکین کا رد کیا گیا ہے جو کہتے تھے کہ ہم جب گل کر مٹی ہو جائیں گے توپھر کیسے زندہ کئے جائیں گے انہیں بتایا گیا کہ اللہ تعالی نے ہی تمہارے باپ حضرت ادم علیہ الصلوۃ والسلام کو مٹی سے پیدا فرمایا اور ان کی نسل سے لوگ پیدا ہوئے پھر ا س نے ایک مدت کا فیصلہ فرمایا جس کے پورا ہوجانے پر تم مرجاو گے اور مرنے کے بعد اٹھانے کی ایک مقررہ مدت بھی اسی کے پاس ہے پھر اے کافرو! تم مرنے کے بعد دوبارہ زندہ کئے جانے میں شک کرتے ہو حالانکہ تمہیں علم ہے کہ تمہاری تخلیق کی ابتدا کرنے والا اللہ تعالی ہے اور جو پہلی بار پیدا کرنے پر قادر ہے تو وہ دوبارہ زندہ کرنے پر بدرجہ اولی قادر ہے۔( خازن الانعام تحت الایۃ: ۲ ۲ / ۳ جلالین الانعام تحت الایۃ: ۲ ص۱۱۲ ملتقطا)