Surah Al Anam Ayat 34 (6:34)

{ و لقد كذبت رسل من قبلك: اوراپ سے پہلے رسولوں کو جھٹلایا گیا۔} رسول اکرم صلی اللہ تعالی علیہ والہ وسلم کے قلب اطہر کی تسلی کیلئے فرمایا گیا کہ اے حبیب! صلی اللہ تعالی علیہ والہ وسلماپ سے پہلے رسولوں کو جھٹلایا گیا تو انہوں نے جھٹلائے جانے اور تکلیف دئیے جانے پر صبر کیایہاں تک کہ ان کے پاس ہماری مدد آگئی اور تکذیب کرنے والے ہلاک کئے گئے۔لہذا اے حبیب! صلی اللہ تعالی علیہ والہ وسلم اپ بھی صبر کریں۔ کوئی اللہ عزوجل کی باتوں کو بدلنے والا نہیں اور اس کے حکم کو کوئی پلٹ نہیں سکتا۔ رسولوں کی نصرت اور ان کی تکذیب کرنے والوں کا ہلاک ہونا اس نے جس وقت مقدر فرمایا ہے اس وقت ضرور ہوگا۔اور بیشک تمہارے دل کے سکون کے لئے تمہارے پاس رسولوں کی خبریں آچکی ہیں اور آپ صلی اللہ تعالی علیہ والہ وسلم جانتے ہیں کہ انہیں کفار سے کیسی ایذائیں پہنچیں۔ یہ پیش نظر رکھ کر آپ صلی اللہ تعالی علیہ والہ وسلم دل مطمئن رکھیں۔ اس ایت میں مبلغین کیلئے بھی تسلی ہے کہ اگر انہیں راہ تبلیغ میں مشقتیں پیش ائیں تو وہ انبیاء علیہم الصلوۃ والسلام کی تکالیف کو یاد کرکے صبر اختیار کریں۔