Surah Al Jin Ayat 7 (72:7)

{و انهم ظنوا كما ظننتم: اور یہ کہ انہوں نے ویسے ہی گمان کیا جیسا (اے جنو) تم نے گمان کیا۔} اس ایت کا ایک معنی یہ ہے کہ ایمان قبول کرنے والے جنات نے اپنی قوم کے کافر جنات سے کہا کہ اے جنو! انسانوں نے بھی ویسے ہی گمان کیا تھا جیسا کہ تم نے گمان کیا کہ اللہ تعالی حضرت عیسی علیہ الصلوۃ والسلام کے بعد ہر گز کوئی رسول نہ بھیجے گاپھر اللہ تعالی نے انسانوں کی طرف اخری نبی محمد مصطفی صلی اللہ تعالی علیہ والہ وسلم کو بھیجا تو وہ ان پر ایمان لائے لہذا اے جنات کے گروہ ! تم بھی انسانوں کی طرح سید المرسلین صلی اللہ تعالی علیہ والہ وسلم پر ایمان لے او۔ دوسرا معنی یہ ہے کہ اے کفار قریش! جنات بھی تمہاری طرح یہی گمان کرتے تھے کہ اللہ تعالی ہرگز کسی کو مرنے کے بعدنہیں اٹھائے گاپھر جب انہوں نے قران سنا تو وہ ہدایت پا گئے اور مرنے کے بعد اٹھائے جانے کا اقرار کرنے لگے تو تم جنات کی طرح اقرار کیوں نہیں کرتے۔( روح البیان الجن تحت الایۃ: ۷ ۱۰ / ۱۹۲ مدارک الجن تحت الایۃ: ۷ ص۱۲۸۸ ملتقطا)