Surah Al Ghashiyah Ayat 21 (88:21)

{فذكر: تو تم نصیحت کرو۔} اللہ تعالی کی قدرت کے عجائبات بیان کرنے کے بعد فرمایا گیا کہ اللہ تعالی کی نعمتوں اور اس کی قدر ت کے دلائل بیان فرما کر لوگوں کو سمجھاو اور نصیحت کرو۔ اس ایت میں اولین خطاب تو سرکار دوعالم صلی اللہ تعالی علیہ والہ و سلم کو ہے لیکن اپ کے وسیلے سے سب مسلمانوں کو خطاب ہے کہ جو سمجھانے کی صلاحیت رکھتاہو وہ دوسروں کو سمجھائے۔ جدید علوم کو حاصل کرنا نفع بخش ہے: اس سے یہ بھی معلوم ہوا کہ جدید علوم کا حاصل کرنا نہایت نفع بخش ہے کہ مثلا مذکورہ بالا ایات میں جو کچھ بیان کیا گیا ہے صرف وہی چار ایتیں دہرا کر تو نہیں سمجھایا جائے بلکہ غور وفکر کے بعد جو معارف و اسرار اور حکمتیں سمجھ ائیں گی ان کو بیان کرکے سمجھایا جائے گا اور ان حکمتوں کو سمجھنے کا ایک بہت بڑا ذریعہ مذکورہ چیزوں کے متعلقہ جدید علوم ہیں تو اگر انہیں سمجھ اور سیکھ لیا جائے تو عام ادمی کی بنسبت زیادہ اچھے طریقے سے قدرت الہی کا بیان کیا جاسکتا ہے۔