Surah At Taubah Ayat 97 (9:97)

{الاعراب:دیہاتی۔} یعنی دیہات میں رہنے والے منافق کفر اور منافقت میں شہر میں رہنے والوں سے زیادہ سخت ہیں اس کا سبب یہ ہے کہ وہ لوگ علم کی مجالس اور علماء کی صحبت سے دور رہتے ہیں قران و حدیث اور وعظ ونصیحت نہیں سنتے ۔ وہ اسی قابل ہیں کہ اللہ تعالی نے جوفرائض سنن اور احکام اپنے رسول صلی اللہ تعالی علیہ والہ وسلم پر نازل فرمائے ہیں ان سے جاہل رہیں۔(خازن التوبۃ تحت الایۃ: ۹۷ ۲ / ۲۷۳) جہالت شدت پیدا کرتی ہے: اس ایت سے معلوم ہوا کہ جہالت شدت پیدا کرتی ہے لہذا جو شخص بلا وجہ شدت کا عادی ہے وہ علم سے دور ہے۔ ہمارے زمانے میں بھی ایک گروہ ایسی شدت کی طرف مائل ہے کہ سب کو مشرک قرار دیتا ہے یہ شدت بھی جہالت کی علامت ہے۔ یہ بھی معلوم ہوا کہ دیہات والوں کو بھی چاہیے کہ علم حاصل کریں اور علماء و صالحین کی صحبت اختیار کریں کیونکہ علم اور اچھی صحبت جہالت و بے عملی کو ختم کردیتی ہے اور علم کی وجہ سے بے جا کی شدت کا خاتمہ ہوتا ہے۔