Surah Hud Ayat 17 (11:17)

{افمن كان على بینة من ربه:تو کیا وہ جو اپنے رب کی طرف سے روشن دلیل پر ہو۔} اس سے پہلی ایت میں ان لوگوں کا ذکر کیا گیا کہ جو اپنے اعمال کے بدلے دنیا کی زندگی اور اس کی زیب و زینت چاہتے ہیں اور اس ایت میں ان لوگوں کا ذکر ہے کہ جو اپنے اعمال کے بدلے اللہ عزوجل کی رضا اور اس کی خوشنودی کے طالب ہیں۔ (خازن ہود تحت الایۃ: ۱۷ ۲ / ۳۴۵) بعض مفسرین کے نزدیک روشن دلیل سے وہ دلیل عقلی مراد ہے جو اسلام کی حقانیت پر دلالت کرے اور اس شخص سے جو اپنے رب کی طرف سے روشن دلیل پر ہووہ یہود ی مراد ہیں جو اسلام سے مشرف ہوئے جیسے کہ حضرت عبد اللہ بن سلام رضی اللہ تعالی عنہ اور گواہ سے مراد قر ان پاک ہے۔(مدارک ہود تحت الایۃ: ۱۷ ص۴۹۲ تفسیرکبیر ہود تحت الایۃ: ۱۷ ۶ / ۳۲۹) اور بعض مفسرین کے نزدیک روشن دلیل سے مراد قران پاک اور’’اس شخص سے جو اپنے رب کی طرف سے روشن دلیل پر ہو‘‘ سے مراد نبی اکرم صلی اللہ تعالی علیہ والہ وسلم یا اہل ایمان اور گواہ سے مراد حضرت جبرئیل علیہ الصلوۃ والسلام ہیں۔ (جلالین ہود تحت الایۃ: ۱۷ ص۱۸۱) ایت کا خلاصہ یہ ہے کہ جو اپنے رب عزوجل کی طرف سے روشن دلیل پر ہو اور اس روشن دلیل پر اللہ عزوجل کی طرف سے ایک گواہ بھی ائے اور اس کی صحت کی گواہی دے کیا وہ اس کی طرح ہو سکتا ہے جو دنیا کی زندگی اور اس کی ارائش چاہتا ہوایسا نہیں ان دونوں میں عظیم فرق ہے۔ اور اس سے پہلے یعنی قران نازل ہونے اور رسول اکرم صلی اللہ تعالی علیہ والہ وسلم کو مبعوث فرمائے جانے سے پہلے حضرت موسی علیہ الصلوۃ والسلام کی کتاب تورات ان کے لئے پیشوا اور رحمت تھی کہ وہ لوگ دینی اور شرعی معاملات میں اس کی طرف رجوع کرتے تھے نیز تورات گمراہوں کوہدایت کی راہ دکھاتی تھی اور ان اوصاف کے حامل افراد نبی اکرم صلی اللہ تعالی علیہ والہ وسلم اور قران پر ایمان لاتے ہیں اور یہودی عیسائی مجوسی بتوں کے پجاری وغیرہ تمام کفار اور دیگر ادیان کو ماننے والوں میں سے جو کوئی حضور اقدس صلی اللہ تعالی علیہ والہ وسلم اور قران پر ایمان نہ لائے گا تو اخرت میں اگ اس کا وعدہ ہے۔(خازن ہود تحت الایۃ: ۱۷ ۲ / ۳۴۶ مدارک ہود تحت الایۃ: ۱۷ ص۴۹۲-۴۹۳ ملتقطا) حدیث پاک میں بھی یہ بات بیان ہوئی ہے چنانچہ حضرت ابو ہریرہ رضی اللہ تعالی عنہ سے روایت ہے تاجدار رسالت صلی اللہ تعالی علیہ والہ وسلم نے ا رشاد فرمایا ’’اس کی قسم! جس کے دست قدرت میں محمد صلی اللہ تعالی علیہ والہ وسلم کی جان ہے اس امت میں جو کوئی بھی ہے یہودی ہو یا نصرانی جس کو بھی میری خبر پہنچے اور وہ میرے دین پر ایمان لائے بغیر مرجائے تووہ ضرور جہنمی ہے۔(مسلم کتاب الایمان باب وجوب الایمان برسالۃ نبینا محمد صلی اللہ علیہ وسلم الی جمیع الناس۔۔۔ الخ ص۹۰ الحدیث: ۲۴۰(۱۵۳)) {فلا تك فی مریة منه:تو اے سننے والے!تجھے اس کے بارے میں کوئی شک نہ ہو۔} اس ایت کی ایک تفسیر یہ ہے کہ اے سننے والے! اس دین کے صحیح ہونے اور قران کے اللہ تعالی کی طرف سے نازل ہونے کے بارے میں شک نہ کر بیشک یہ تیرے رب عزوجل کی طرف سے حق ہے لیکن اکثر لوگ ا س قران کی تصدیق نہیں کرتے ۔اس تفسیر کے مطابق ایت کے اس حصے کا تعلق ماقبل مذکور ایت نمبر 13’’ ام یقولون افترىه‘‘سے ہے۔ دوسری تفسیر یہ ہے کہ اے سننے والے! تو اس بات میں شک نہ کر کہ دیگر ادیان کو ماننے والوں میں سے جو کو ئی رسول اللہ صلی اللہ تعالی علیہ والہ وسلم پر ایمان نہ لائے گا تو اخرت میں اس کا وعدہ اگ ہے لیکن اکثر لوگ اس بات پر یقین نہیں رکھتے کہ کفار کے لئے اگ کاوعدہ ہے۔ اس تفسیر کے مطابق ایت کے اس حصے کا تعلق اسی ایت کے اس حصے’’و من یكفر به من الاحزاب فالنار موعده ‘‘ سے ہے۔( خازن ہود تحت الایۃ: ۱۷ ۲ / ۳۴۶)