Surah Hud Ayat 43 (11:43)

{قال ساوی الى جبل:اس نے کہا:میں ابھی کسی پہاڑ کی پناہ لے لیتا ہوں۔} حضرت نوح علیہ الصلوۃ والسلام کی پکار سن کر کنعان نے کشتی میں سوار ہونے کی بجائے یہ جواب دیا کہ میں ابھی کسی پہاڑ کی پناہ لے لیتا ہوں وہ مجھے پانی سے بچالے گا۔حضرت نوح علیہ الصلوۃ والسلام نے اس سے فرمایا’’آج کے دن اللہ تعالی کے عذاب سے کوئی بچانے والا نہیں لیکن جس پر اللہ عزوجل رحم فرمادے تو وہ ڈوبنے سے بچ سکتا ہے۔پھر حضرت نوح علیہ الصلوۃ والسلام اور ان کے بیٹے کنعان کے درمیان ایک لہرحائل ہوگئی تو کنعان بھی غرق کئے جانے والوں میں سے ہوگیا۔( خازن ہود تحت الایۃ: ۴۳ ۲ / ۳۵۳)