Surah Hud Ayat 50 (11:50)

{و الى عاد اخاهم هودا:اور عاد کی طرف ان کے ہم قوم ہود کوبھیجا۔} اس سورت میں بیان کئے گئے واقعات میں سے یہ دوسرا واقعہ ہے۔ اس ایت میں اللہ تعالی نے حضرت ہود علیہ الصلوۃ والسلام کو قوم عاد کا بھائی فرمایا اس سے مراد دینی بھائی نہیں بلکہ نسب کے اعتبار سے بھائی ہونا مراد ہے کیونکہ حضرت ہود علیہ الصلوۃ والسلام کا تعلق قبیلہ عاد سے تھا یہ عرب کا قبیلہ تھا اور یمن کے قریب ان کی رہائش تھی۔ (تفسیرکبیر ہود تحت الایۃ: ۵۰ ۶ / ۳۶۲) {قال:فرمایا۔} حضرت ہود علیہ الصلوۃ والسلام نے اپنی قوم سے فرمایا کہ اے میری قوم! تم اللہ تعالی کی وحدانیت کا اقرار کرو اور عبادت کرنے میں کسی کو اس کا شریک نہ ٹھہراو تمہارا معبود اللہ تعالی ہی ہے یہ بت جن کی تم پوجا کر رہے ہو تمہارے معبود ہر گز نہیں کیونکہ یہ تو پتھر کے ہیں اور کوئی نفع نقصان نہیں پہنچا سکتے۔ تمہارا یہ دعوی جھوٹا ہے کہ اللہ عزوجل کے لئے شریک ہیں اور تم ان شریکوں کی عبادت کرتے ہو ۔ (خازن ہود تحت الایۃ: ۵۰ ۲ / ۳۵۷ صاوی ہود تحت الایۃ: ۵۰ ۳ / ۹۱۷ ملتقطا) نوٹ:حضرت ہود علیہ الصلوۃ والسلام اور ان کی قوم عاد سے متعلق بعض تفصیلات سورہ اعراف ایت65تا 72 میں گزر چکی ہیں۔